চাপৰঃ হাতীৰ আক্ৰমণত গুৰুতৰভাৱে আহত এগৰাকী মহিলাসহ শিশু। আহত মহিলা গৰাকীৰ নাম হালীমা খাতুন(২৫) আৰু শিশুটিৰ নাম আমিৰ হামজা(২) বুলি জানিব পৰা গৈছে। দুয়োকে ততাতৈয়াকৈ চাপৰ চিকিৎসালয়ত ভৰ্তি কৰোৱা হয় যদিও মহিলা গৰাকীৰ অৱস্থা গুৰুতৰ হোৱাত উন্নত চিকিৎসাৰ বাবে বৰপেটা মেডিকেল কলেজলৈ প্ৰেৰণ কৰে।
উল্লেখ্য যে পুৱাৰ ভাগত ধুবুৰী বঙাইগাঁও সীমান্তবৰ্তী ঝাওকুৰাত তাণ্ডব চলাই আবেলীমানত চান্দৰডিঙা পাহাৰ পৰা ওলাই আহি কিল্লাহাৰা গাঁৱত ঘটালে অঘটন, বনৰীয়া হাতীটোক নিয়ন্ত্রণ কৰিব নোৱাৰা বন বিভাগকৰ কৰ্মকাণ্ডক ধিক্কাৰ জনাই অচিৰেই হাতীটোক নিয়ন্ত্রণ কৰি বনাঞ্চল লৈ প্ৰেৰণ কৰিবলৈ দাবী জনায় আতংকিত ৰাইজে। ইতিমধ্যে হাতীটোৱে বহুতৰে ঘৰ-দুৱাৰ লণ্ডভণ্ড কৰি এক ত্ৰাসৰ সৃষ্টি কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।