কামপুৰঃ বস্ত্ৰ ভঁৰাল, The Clothes Bank ৰ উদ্যোগত কঠিয়াতলী, অনুষ্ঠিত বস্ত্ৰ বিতৰণ অনুষ্ঠানত নগাঁও জিলাৰ আৰক্ষী অধীক্ষক মাননীয় আনন্দ মিশ্ৰ ডাঙৰীয়া উপস্থিত থাকে আৰু অনুষ্ঠান শুভাৰম্ভ কৰি ৰাইজৰ মাজত কাপোৰ বিতৰণ কৰে।
উল্লেখযোগ্য যে বস্ত্ৰ বিতৰণৰ লগত সংগতি ৰাখি আয়োজন কৰা স্বাস্থ্য শিবিৰত ডাঃ সমৰ লোচন শইকীয়া, ডাঃ স্বৰ্ণলতা দেৱী, ডাঃ চন্দন ৰায়, মনস্তাত্বিক বিশেষজ্ঞ আৰাধনা বৰুৱা, ৰাজ্যিক শিশু সুৰক্ষা সমিতিৰ মৰিগাঁও জিলাৰ LEGAL CUM PROBATION OFFICER নমিতা দেৱী উপস্থিত থাকে।
বস্ত্ৰ ভঁৰালৰ সভাপতি বিৰিঞ্চি বৰাই জানিবলৈ দিয়া মতে ২০১৭ চনৰ পৰা বস্ত্ৰ বিতৰণ কৰা অনুষ্ঠানটোৱে আজিৰ অনুষ্ঠিত কাৰ্য্যসূচীত প্ৰায় ৩৫০ জন ব্যক্তিত কাপোৰ বিতৰণ কৰাৰ লগতে প্ৰায় ২০০ ব্যক্তি আৰু শিশুৰ স্বাস্থ্য পৰীক্ষা কৰি বিনামূলীয়া ঔষধ বিতৰণ কৰে।
উল্লেখযোগ্য যে আহুতলীৰ ৰাইজ আৰু গাঁওবুঢ়া ৱেলচন ইংতি ডাঙৰীয়াই বস্ত্ৰ ভৰালৰ কৰ্মকৰ্তা ক্ৰমে বিৰিঞ্চি বৰা, প্ৰাঞ্জল মজুমদাৰ, মঞ্জুল জ্যোতি দাসে, জাকিৰ হুছেইন, দেৱাশীষ বৰুৱাই কৰা এই মহান সেৱাৰ ভূয়সী প্ৰশংসা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।