নিউজ ডেস্কঃ নগাঁও আৰক্ষীয়ে কটন বিশ্ববিদ্যালয়ত ব্যাপক অনিয়ম সংঘটিত কৰি অৱশেষত নিলম্বিত হোৱা জ্যেষ্ঠ সহায়ক(বিত্ত আৰু গাণনিক) ধ্ৰুৱজ্যোতি গোস্বামীক জেৰা চলাইছে। নগাঁৱৰ এগৰাকী মহিলাই হয়বৰগাঁও আৰক্ষী চকীত তৰা এক গোচৰৰ ভিত্তিত গ্ৰেপ্তাৰ হোৱা ধ্ৰুৱজ্যোতিয়ে বিগত সময়ছোৱাত সামাজিক মাধ্যমত ব্যাপক অপৰাধজনিত কাৰ্যকলাপ সংঘটিত কৰিছিল।ধ্ৰুৱজ্যোতিয়ে বহু মহিলাৰ নামত খুলিছিল ভুৱা ফেচবুক একাউণ্ট।
ধ্ৰুৱজ্যোতিয়ে ভুৱা ফেচবুক একাউণ্টত বহু মহিলাৰ ছবি বিকৃত কৰি উপস্থাপন কৰাৰ অভিযোগ উত্থাপিত হৈছে। ইতিমধ্যে নগাঁও আৰক্ষীয়ে ধ্ৰুৱজ্যোতিৰ লেপটপটো উদ্ধাৰ কৰি তদন্ত অব্যাহত ৰাখিছে।কটন বিশ্ববিদ্যালয়ৰ দৰে এখন ঐতিহ্যমণ্ডিত বিশ্ববিদ্যালয়ৰ সৈতে জড়িত হোৱাৰ পিছতো ধ্ৰুৱজ্যোতিয়ে বিগত সময়ছোৱাত বহু চাইবাৰ অপৰাধৰ ঘটনা সংঘটিত কৰিছিল। ধ্ৰুৱজ্যোতিয়ে বহু মহিলাক ব্লেকমেইলিং কৰাৰ অভিযোগো উত্থাপিত হৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।