নিউজ ডেস্কঃ বিগত সময়ত ক’ভিডৰ ভয়াবহতাৰ বাবে বিদ্যালয় সমূহ বন্ধ হৈ পৰাৰ বহুদিনৰ অন্তত বৰ্তমান বিদ্যালয়সমূহ খোলাৰ পিছত চাহ-বাগিচাৰ ছাত্ৰ-ছাত্ৰীসকলক বিদ্যালয়মুখী কৰিবলৈ কলিয়াবৰৰ উদমাৰী চাহ-বাগিচাৰ অন্তৰ্গত উদমাৰী উচ্চ মাধ্যমিক বিদ্যালয় আৰু উদমাৰী চাহ-বাগিচা প্ৰাথমিক বিদ্যালয় কৰ্তৃপক্ষৰ সহযোগত আটছা কলিয়াবৰ শাখা ও চামগুৰি উপ শাখা সমিতি আৰু উদমাৰী আটচাৰ প্ৰাথমিক গোটৰ উদ্যোগত এই "চল যাব স্কুল" অভিযানৰ শৈক্ষিক শোভাযাত্ৰা কাৰ্যসূচী।
শিশু শ্ৰমিক বন্ধ কৰক, বাল্যবিবাহ বন্ধ কৰক আদি শ্ল’গানেৰে শোভাযাত্ৰা কৰা পৰিলক্ষিত হয়। উক্ত অনুষ্ঠানত উপস্থিত থাকে আটছা নগাংও জিলাৰ সভাপতি মহেন্দ্ৰ নায়ক, উপ সভাপতি অভিজিত দিগালকে প্ৰমুখ্যে কৰি কলিয়াবৰৰ শাখাৰ উপ সভাপতি নৰেশ গোৱালা, চামগুৰি উপ শাখাৰ সভাপতি দিগন্ত তচা ও আটচাৰ উদমাৰী প্ৰাথমিক গোটৰ বিষয়ববীয়াসকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।