জামুগুৰিহাটঃ জামুগুৰিহাটৰ ইটাখোলা আৰক্ষী চকীৰ অন্তৰ্গত বুৰবুৰিত দুৰ্ঘটনাত পতিত হৈ স্থানীয় মোনাই চাহ-বাগিচাৰ দুজন যুৱকৰ মৃত্যু হয়। বুৰবুৰিৰ স্থানীয় লোকৰ পৰা জানিব পৰামতে সম্ভৱত যোৱা নিশা স্কুটি নং AS-12-Z 7407 ৰে চিজুছাৰ পৰা ইটাখোলা অভিমুখে আহি থকা অৱস্থাত দুজন যুৱক ক্ৰমে ৰামা তাঁতী (30) আৰু চন্দন তাঁতী (20) দুৰ্ঘটনাত পতিত হৈছিল।
ৰাতিপুৱা স্থানীয়লোকে প্ৰত্যক্ষ কৰাৰ পিছত ইটাখোলা আৰক্ষীক খবৰ দিয়াত ইটাখোলা আৰক্ষীৰ দল দুৰ্ঘটনাস্থলীত উপস্থিত হৈ ৰামা তাঁতীক মৃত অৱস্থাত উদ্ধাৰ কৰাৰ লগতে চন্দন তাঁতীক সংকটজনক অৱস্থাত উদ্ধাৰ কৰি তেজপুৰ চিকিৎসা মহাবিদ্যালয়লৈ প্ৰেৰণ কৰে যদিও চিকিৎসাধীন অৱস্থাত চন্দনৰো মৃত্যু হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।