গোলাঘাটঃ নিশা গোলাঘাটৰ আঞ্চলিক বন বিষয়াৰ কাৰ্যালয়ত উত্তপ্ত পৰিস্থিতি। কাৰ্যালয়টোৰ চকীদাৰৰ দায়িত্বত থকা ভাইকন গোঁহাই নামৰ এজন বন কৰ্মীক আক্ৰমণ কৰিলে চফিকুল আলী নামৰ এজনে। কাৰ্যালয়টোৰ গেট খুলি নিদিয়াৰ কাৰণে বন কৰ্মীজনক গেট পাৰ হৈ কাৰ্যালয়টোৰ ভিতৰতে উপৰ্যুপৰি আক্ৰমণ চফিকুল আলীৰ। ইয়াতে এটা কথা উল্লেখ কৰি দিও যে চফিকুল আলী কিন্তু বন বিভাগৰ কৰ্মচাৰী নহয়।
কাৰ্যালয়টোৰ পাছফালে থকা চফিকুলৰ ঘৰ যাবলৈ গেট খুলাৰ নিৰ্দেশ দিছিল বনকৰ্মীজনক চফিকুলে। আৰু গেট নুখোলাৰ বাবে ভাইকন গোঁহাই নামৰ বনকৰ্মীজনক প্ৰহাৰ কৰিলে। আৰু এই ঘটনাৰ পাছতে চফিকুলক কাৰ্যালয়টোৰ চৌহদৰ ভিতৰতে একাংশই এইদৰে উত্তম মাধ্যম সোধায়। ইফালে নিশাই আৰক্ষীয়ে ঘটনাস্থলীত উপস্থিত হৈ আক্ৰমণত আঘাতপ্ৰাপ্ত ভাইকন গোঁহাইক চিকিৎসালয়ত প্ৰেৰণ কৰি আৰক্ষীয়ে আটক কৰিছে চফিকুল আলীক। এই ঘটনাই তীব্ৰ চাঞ্চল্য সৃষ্টি কৰিছে গোলাঘাটত।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।