মাৰ্ঘেৰিটাঃ মাৰ্ঘেৰিটা আৰক্ষী থানাৰ অন্তৰ্গত ২নং আলুবাৰী(তাৰাকুঁচি) নিজ বাসগৃহৰ পৰা সন্ধানহীন হৈ আছে এগৰাকী কিশোৰী। কিশোৰী গৰাকীৰ নাম তপতি দেৱনাথ। স্বপন দেৱনাথ আৰু শমিলা দেৱনাথৰ ১৫ বছৰীয়া কন্যা। যোৱা বুধবাৰৰ পৰা সন্ধানহীন হৈ আছে কিশোৰী গৰাকী। পৰিয়ালৰ লোকে জানিবলৈ দিয়া অনুসৰি ঘৰৰ পৰাই কিশোৰী গৰাকী সন্ধানহীন হয়।
ওচৰে পাজৰে খৱৰ কৰিও কিশোৰী গৰাকীৰ সন্ধান উলিওৱাবলৈ সক্ষম নোহোৱাত মাৰ্ঘেৰিটা আৰক্ষী থানাত পৰিয়ালৰ লোকে এখন এজাহাৰ দাখিল কৰিছে। অতি দৰিদ্ৰ পৰিয়ালৰ কিশোৰী গৰাকী সন্ধানহীন হোৱা খৱৰে অঞ্চলটোত তীব্ৰ চাঞ্চল্যৰ সৃষ্টি কৰিছে৷ এতিলৈকে আৰক্ষীও কিশোৰী গৰাকীৰ একো সন্ধাত উলিওৱাত সক্ষম হোৱা নাই। স্থানীয় ৰাইজে কিশোৰী গৰাকী কোনো দুষ্ট চক্ৰ কৱলত পৰা বুলিও সন্দেহ প্ৰকাশ কৰিছে| কোনো লোকে কিশোৰী গৰাকীৰ যদি কিবা সম্ভেদ পায় তেন্তে ৮৮২২৩৩২২৪৫ নম্বৰত যোগাযোগ কৰিবলৈ নাইবা ওচৰৰ আৰক্ষী থানাত খৱৰ দিবলৈ কাতৰ আহ্বান জনাইছে পৰিয়ালৰ লোকে৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।