লাহৰিঘাটঃ লাহৰিঘাট আঞ্চলিক ক্ৰীড়া সন্থাৰ উদ্যোগত সদৌ অসম ভিত্তিত বেডমিন্টন প্ৰতিযোগিতা। অহা ১৮ আৰু ১৯ ডিচেম্বৰ তাৰিখে অনুষ্ঠিত হ'ব এই বেডমিন্টন প্ৰতিযোগিতা। নৈশ বেডমিন্টন প্ৰতিযোগিতাৰ ইতিমধ্যে প্ৰস্তুতি সম্পন্ন হৈ উঠিছে। লাহৰিঘাট ব্লক খেল পথাৰত অনুষ্ঠিত হ'ব লগা এই বেডমিন্টন প্ৰতিযোগিতাত বিজয়ী দলক ২১০০০ টকাৰ লগতে দুটাকৈ ট্ৰফি প্ৰদান কৰা হ'ব।
সমান্তৰালভাৱে ৰানাৰ্চআপৰ বাবে ১০৫০০ টকাৰ লগতে দুটাকৈ ট্ৰফি দিয়াৰ ব্যৱস্থা কৰা হৈছে। একেদৰে তৃতীয় পুৰস্কাৰ ৫০০০ চতুৰ্থ পুৰষ্কাৰ ২০০০ লগতে মেন অফ দা মেচ ১০০০ টকা লগতে এটা ট্ৰফী দিয়া হ'ব। খেলুৱৈ সকলৰ যোগদানৰ মাছুল ৪০০ টকা নিৰ্ধাৰণ কৰিছে খেল পৰিচালনা সমিতিয়ে। আজি লাহৰিঘাটত এক সংবাদমেল আয়োজন কৰি এই কথা সদৰী কৰে খেল পৰিচালনা সমিতিৰ সভাপতি নেকিবুল হকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।