কামপুৰঃ কবিতাক মানুহৰ অন্যতম সম্পদ হিচাপে গঢ়ি তোলাৰ উদ্দেশ্যৰে নগাঁও জিলা কবি সন্মিলনৰ দ্বিতীয় দ্বি-বাৰ্ষিক অধিৱেশনৰ লগত সংগতি ৰাখি অনুষ্ঠিত কৰা কবিতাৰ যাত্ৰা অনুষ্ঠানটি সফলভাৱে ৰূপায়িত হয়। নগাঁও জিলা পুথিভঁৰালৰ পৰা যাত্ৰা কৰা কবিতাৰ যাত্ৰা অনুষ্ঠানটি দুপৰীয়া ১২ বজাত কামপুৰ উন্নতি সাধিনী সভাৰ কাৰ্যালয়ত উপস্থিত হয়।
নগাঁও জিলা কবি সন্মিলনৰ সভাপতি দিলীপ কুমাৰ নাথ আৰু সম্পাদক পৱন শৰ্মাৰ নেতৃত্বত অহা কবিতাৰ যাত্ৰা অনুষ্ঠানটিক কামপুৰ আঞ্চলিক কবি সন্মিলনে আদৰণি জনায়।
অনুষ্ঠানটিত কবিতা পাঠ কৰে গুণ কাকতী, প্ৰৱীন শৰ্মা, খৰ্গেশ্বৰ বৰা, প্ৰমোদ বৰা, গীতাঞ্জলী শৰ্মা, শকুন্তলা শইকীয়া, জয়াৰাণী শইকীয়া, ৰাজু সমীৰণ,নিৰু মেধি, চন্দ্ৰ বৰা, ইৰামণি শইকীয়াকে ধৰি কেইবাগৰাকী কবিয়ে কবিতা পাঠ কৰে।
অনুষ্ঠানৰ অন্তত নগাঁও জিলা কবি সন্মিলনৰ সম্পাদক পৱন শৰ্মাই নগাঁও জিলা কবি সন্মিলনৰ সমূহ কাৰ্যসূচীত সকলো কবিকে অংশগ্ৰহণ কৰিবলৈ আহ্বান জনায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।