বোকাজানঃ কাৰ্বি আংলং জিলাৰ হাওৰাঘাট থানাৰ অন্তৰ্গত চামগুৰিত লংকাকাণ্ডৰ সুত্ৰপাত হয়৷ একাংশ উত্তেজিত লোকে এখন ট্ৰাক জ্বলাই ভস্মীভূত কৰা(Truck burnt by aggressive people)ৰ লগতে কেইবাখনো বালি সৰবৰাহকাৰী ট্ৰাকত আক্ৰমণ চলাই বিস্তৰ ক্ষতি সাধন কৰে৷ উল্লেখ্য যে, চামগুৰিত সংঘটিত হোৱা এক পথ দুৰ্ঘটনাত বিদ্যুৎ শৰ্মা নামৰ এজন যুৱক অতি গুৰুতৰভাৱে আহত হোৱাৰ পিছত নগাঁৱৰ ভোগেশ্বৰী ফুকননী অসামৰিক চিকিৎসালয়ত মৃত্যু হয়৷
চামগুৰি চিতলমাৰী উচ্চ মাধ্যমিক বিদ্যালয়ৰ সমীপত সংঘটিত হোৱা দুৰ্ঘটনাটোত বালি ভৰ্তি ট্ৰাকৰ খুন্দাত পৰিয়ালটোৰ একমাত্ৰ উপাৰ্জনকাৰী যুৱকজনৰ মৃত্যুৰ পিছতে চামগুৰি এলেকাত তীব্ৰ উত্তেজনামূলক পৰিস্থিতিৰ সৃষ্টি হয়৷ উত্তেজিত জনতাক ছত্ৰভংগ দিয়াৰ বাবে আৰক্ষীয়ে অৱশেষত লাঠিচাৰ্জ কৰিবলগীয়া পৰিস্থিতিৰ সৃষ্টি হয়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।