মৰিয়নিঃ প্ৰায় ১মাহ দিন ধৰি মৰিয়নিৰ নকছাৰী অঞ্চলত সন্ত্ৰাস সৃষ্টি কৰি অহা নাহৰফুটুকী বাঘটো কাজিৰঙাৰ পৰা অহা বনৰক্ষীৰ দলে ট্ৰেংকুইলাইজ কৰি পিঞ্জৰাৱদ্ধ কৰিবলৈ সক্ষম হয়। বাঘৰ আক্ৰমণত ইতিমধ্যে বহুকেইগৰাকী লোক আহত হৈছে। উল্লেখযোগ্য যে শুকুৰবাৰে বিয়লি ৭ গৰাকীকৈ ব্যক্তিক আক্ৰমণ কৰি আহত কৰিছিল নাহৰফুটুকীটোৱে।
ইয়াৰে জন ব্যক্তি সংকটজনক অৱস্থাত যোৰহাট মেডিকেল কলেজত ভৰ্তি কৰোৱাইছিল। ইতিমধ্যে বাঘৰ আক্ৰমণৰ পৰা কথমপি প্ৰাণ ৰক্ষা নকছাৰী থানাৰ আৰক্ষী বিষয়াও। বাঘটো আটক কৰিবলৈ বন বিভাগ ব্যৰ্থ হোৱাত স্থানীয় ৰাইজ ক্ষুব্ধ হৈ পৰিছিল। আজি কাজিৰঙাৰ পৰা অহা বনৰক্ষীৰ এটা দলে ট্ৰেংকুইলাইজ কৰি সুস্থ অৱস্থাত বাঘটো কাজিৰঙালৈ লৈ যায়৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।