কামপুৰঃ কচুৱা পৰিবহন শ্ৰমিক সন্থাৰ কাৰ্যালয়ত আজি জ্যেষ্ঠ সাংবাদিক বাহাৰুল ইছলামৰ সভাপতিত্বত কচুৱা প্ৰেছ ক্লাবৰ সাধাৰণ সভাখন অনুষ্ঠিত হৈ যায়৷ সম্পাদক তথা সাংবাদিক আনোৱাৰ হুছেইনে উদ্দেশ্য ব্যাখ্যা কৰা সভাখনত "সংবিধানৰ চতুৰ্থ স্তম্ভ ৰক্ষাকাৰী সাংবাদিক সকলৰ কৰনীয় আৰু সংবাদ সেৱাৰ ওপৰত বহল ব্যাখ্য দাঙি ধৰে স্থানীয় কবি তথা অবসৰপ্ৰাপ্ত শিক্ষক খৰ্গেশ্বৰ বৰা; সাংবাদিক সকলৰ দায়বদ্ধতা আৰু কচুৱাৰ বুৰঞ্জীৰ ওপযত বক্তব্য ৰাখে শিক্ষাবিদ জাকিৰ হুছেইন ভূঞাঁ, পৰিবহন শ্ৰমিক সন্থাৰ সভাপতি ছৈদুৰ ৰহমান, সাংবাদিক অনুপজ্যোতি লাহন, ৰূপজ্যোতি ভূঞা আৰু প্ৰশান্ত ৰাজবংশীয়ে৷ সভাৰ মাজতে বৃহত্তৰ কচুৱাৰ প্ৰথম সংবাদ সেৱা কৰা অনুপজ্যোতি লাহনক ফুলাম গামোচা, মানপত্ৰ আৰু শৰাইৰে সম্বৰ্ধনা জনায়৷ সভাত পৰবৰ্তী তিনি বছৰৰ কাৰনে কচুৱা প্ৰেছ ক্লাবৰ নতুন কমিটিখন গঠন কৰা হয়৷ সভাখনতে জ্যেষ্ঠ সাংবাদিক অনুপজ্যোতি লাহনক সম্বৰ্ধনা জনাই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।