লক্ষীপুৰঃ গোৱালপাৰাৰ লক্ষীপুৰ থানাৰ অন্তৰ্গত জলেশ্বৰৰ ব্ৰহ্মপুত্ৰৰ পাৰঘাটত আজি পুৱা দহমান বজাত জলেশ্বৰ আৰক্ষী চকীৰ ভাৰপ্ৰাপ্ত বিষয়াৰ নেতৃত্বত যোৱা এটি আৰক্ষীৰ দলে 20টাকৈ চোৰাং গৰুসহ চাৰি গৰাকী লোকক আটক কৰে। আটকাধীন লোক কেইজন ক্ৰমে ইনছান আলী, বিছামণ্ডল, হাৰান আলী আৰু আমিৰ হামজা বুলি জানিব পৰা গৈছে। জলেশ্বৰ আৰক্ষী চকীৰ ভাৰপ্ৰাপ্ত বিষয়াই ঘটনা সংক্রান্তত কেমেৰাৰ সন্মুখত মন্তব্য দিয়া নাই যদিও বিশেষ সূত্ৰৰ পম খেদি জব্দ কৰা চোৰাং গৰু কেইটা যন্ত্ৰচালিত নাওৰে জলেশ্বৰৰ পাৰঘাটলৈ আনি থকা অৱস্থাত জব্দ কৰাৰ লগতে লোক চাৰিজনক আটক কৰিবলৈ সক্ষম হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।