নদীত পৰিল গাড়ীঃ কোনোমতে জীৱন ৰক্ষা যাত্ৰীৰ

গুৱাহাটীঃ পছৰীয়া ধিঙৰবড়ীত অঘটন।ঈদৰ আনন্দ উল্লাহৰ মাজতে বৰাম্বৰ পৰা ধিঙৰবড়ী অভিমুখে এখন চাৰিচকীয়া বাহনে প্ৰথমে এটা ছাগলীক খুন্দিয়াই আৰু তাৰ পিছত গাড়ীৰ গতিবেগ নিয়ন্ত্ৰন হেৰুৱাই ধিঙৰবড়ীৰ ক'লাজল নদীত বাগৰি পৰে।

প্ৰত্যক্ষদৰ্শীয়ে জনোৱা মতে বাহনখনত থকা দুগৰাকী যাত্ৰীয়ে গাড়ীৰ দুৱাৰ খুলি সাতুৰি পাৰ হৈ কোনোমতে জীৱন ৰক্ষা কৰে। কিন্তু নদীত পৰা যাত্ৰী দুজনে পাৰ হৈ সেই ঠাইলৈ পলায়ন কৰে।ইতিমধ্য আৰক্ষীৰ লোক আৰু উদ্ধাৰকাৰী দল উপস্থিত হৈ বোকাত সোমাই যোৱা বাহনখন উদ্ধাৰ কৰিবলৈ সক্ষম হয়।

উল্লেখযোগ্য যে কিছুদিন আগতে এই ক'লাজল নদীত পৰিয়ে অকালতে মৃত্যুক আকোৱালি লৈছিল বাবুল আলী নামৰ লোক এজনে।