বাইহাটা চাৰিআলিঃ বাইহাটা চাৰিআলিত মৃতদেহ উদ্ধাৰক লৈ চাঞ্চল্য। কমলপুৰ আৰক্ষী থানাৰ অন্তৰ্গত কমলপুৰ বোৰ্কা সংযোগী পথৰ বৰুৱাজানী গাঁৱৰ পথাৰৰ মাজত উদ্ধাৰ হয় প্ৰায় ৩০ বছৰীয়া যুৱকৰ মৃতদেহ। মৃতদেহৰ ওচৰত পৰি থকা ৩৩ হাজাৰ ভল্টৰ বিদ্যুৎ পৰিবাহী তাঁৰ পৰি থকাৰ প্ৰতি লক্ষ্য কৰি তাৰ চুৰি কৰিবলৈ অহাৰ সন্দেহ স্থানীয় লোকৰ। দীৰ্ঘদিনৰ পৰা অঞ্চলটোৰ ভিন্ন স্থানত সংঘটিত হৈ থকা বিদ্যুৎ পৰিবাহী তাৰ চুৰি কাৰ্য্যৰ প্ৰতি লক্ষ্য কৰি আজিও তাৰ চুৰি কৰিবলৈ আহোতে এই দুৰ্ঘটনা সংঘটিত হোৱাৰ সন্দেহ স্থানীয় লোকৰ। এতিয়ালৈকে চিনাক্ত হোৱা নাই মৃতদেহটো। ঘটনাস্থলিত কমলপুৰ আৰক্ষী উপস্থিত হৈ মৃতদেহটো চমজি লৈ মৰনোত্তৰ পৰীক্ষাৰ বাবে ব্যৱস্থা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।