জামুগুৰিহাটঃ শোনিতপুৰ জিলা বিজেপিৰ যুৱ মৰ্চাৰ অধিনস্থ নদুৱাৰ মণ্ডল যুৱ মৰ্চাৰ সদস্যসকলে বৃহস্পতিবাৰে জামুগুৰিহাটৰ উত্তৰ মূঢ়াদল গাঁও পঞ্চায়ত এলেকাৰ দুখীয়া দৰিদ্ৰ ৰাইজৰ মাজলৈ গৈ লোকসকলৰ অভাৱ-অভিযোগ বুজ লোৱাৰ লগতে বস্ত্ৰ আৰু খাদ্যৰ টোপোলা বিতৰণ কৰে৷
পঞ্চায়তটোৰ পিচপৰা গাঁৱৰ দহটা অতি দুখীয়া পৰিয়াৰ কাষলৈ গৈ চৰকাৰী আঁচনিসমূহ কি দৰে উপভোগ কৰিছে সেই কথাৰ বুজ লোৱাৰ লগতে প্ৰতিঘৰ গৃহস্থক খাদ্যৰ টোপোলাৰ লগতে বস্ত্ৰ প্ৰদান কৰে৷ উক্ত কাৰ্য্যসূচীৰ নেতৃত্ব দিয়ে নদুৱাৰ মণ্ডল যুৱ মৰ্চাৰ সভাপতি ভাস্কৰ শইকীয়া প্ৰমুক্ষে বিষয়ববীয়া সদস্যসকলে৷
কাৰ্য্যসূচীত অংশগ্ৰহণ কৰে উত্তৰ মূঢ়াদল গাঁও পঞ্চায়তৰ সভাপতি দিপক নেৱাৰ মূঢ়াদল জিলা পৰিষদৰ সদস্য কিশোৰ দাহালৰ লগতে পঞ্চায়তৰ কৰ্মকৰ্তা আৰু বিজেপি দলৰ কেইবাগৰাকী জ্যেষ্ঠ সদস্যই৷
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।