মাৰ্ঘেৰিটাঃ অসম বাৰ্তাজীৱী সংঘৰ ৪৫ সংখ্যক দ্বি-বাৰ্ষিক কেন্দ্ৰীয় অধিৱেশনৰ আজি দ্বিতীয় দিন। বাৰ্তাজীৱী সংঘৰ ৪৫ সংখ্যক দ্বি-বার্ষিক অধিৱেশনখনৰ লগত সংগতি ৰাখি আজি পুৱা ভাগতে ৪৫ খন পতাকা উত্তোলন কৰা হয়। মূল পতাকা উত্তোলন কৰে অসম বাৰ্তাজীৱী সংঘৰ সভাপতি কেশৱ কলিতাই, অন্য ৪৪ পতাকা উত্তোলন কৰে জিলা সাংবাদিক সন্থাৰ সভাপতি তথা জাতীয় জনগোষ্ঠীয় দল সংগঠনৰ নেতৃবৃন্দ লগতে আদৰণি সমিতিৰ সভাপতিয়ে।
স্মৃতি তর্পণ কৰে অসম বার্তাজীৱী সংঘৰ সম্পাদক টুটুমণি ফুকনে। আজিৰ এই অধিবেশনখনত অসমৰ বিভিন্ন প্ৰান্তৰ পৰা অহা সকলো সাংবাদিকক সম্বৰ্ধনা জনোৱা হয়। আজি দ্বিতীয় দিনৰ কাৰ্যসূচীত মূখ্য অতিথিৰ হিচাপে উপস্থিত থাকিব প্রাগ নিউজৰ মুখ্য সম্পাদক প্ৰশান্ত ৰাজগুৰু আৰু সাদিন কাকতৰ সম্পাদিকা অনুৰাধা শৰ্মা পূজাৰী। আবেলি অনুষ্ঠিত হোৱা মুকলি সভাতে তিনিচুকীয়া জিলা সাংবাদিক সন্থাই ঘোষণা কৰা ৰাজ্য ৮ গৰাকীৰ বঁটা প্ৰাপকক সাংবাদিকতা বঁটাৰে সন্মানিত কৰা হয়। অহা কাইলৈ অৰ্থাৎ ২৩ তাৰিখে এই অধিবেশনৰ সামৰণি পৰিব।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।