সৰুপথাৰঃ গোলাঘাট জিলাৰ বৰপথাৰৰ চাঙপুলত আজি সৰুপথাৰ বিধানসভা সমষ্টিৰ বিধায়ক বিশ্বজিৎ ফুকনৰ উপস্থিতিত শতাধিকলোকে বিজেপিত যোগদান কৰে। সৰুপথাৰ বিধানসভা সমষ্টিৰ অন্তৰ্গত গন্ধকৰৈ, মাজগাঁও, ৰতনপুৰ, চুঙাজানৰ অসম গণ পৰিষদৰ দখলত থকা চাৰিখনকৈ পঞ্চায়তৰ সভাপতি সভানেত্ৰী তথা ৱাৰ্ড সদস্য আৰু বৰপথাৰ নগৰ মণ্ডলৰ কংগ্ৰেছৰ শতাধিককৰ্মীয়ে আজি ভাৰতীয় জনতা পাৰ্টিৰ নীতি আদৰ্শৰ প্ৰতি আকৃষ্ট হৈ বিজেপিত যোগদান কৰে। আনহাতে যোগদান কাৰ্যসূচীত বিধায়ক বিশ্বজিৎ ফুকনৰ লগতে গোলাঘাট জিলা যুৱমৰ্চাৰ সাধাৰণ সম্পাদক অনুপজ্যোতি বৰা, ৰাজ্যিক কাৰ্য্যনিৰ্বাহক সদস্য সঞ্জীৱ কুমাৰ বৰুৱাৰ লগতে ভালে সংখ্যক দলীয় কাৰ্যকৰ্তা উপস্থিত থাকে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।