বটদ্ৰৱাঃ নগাঁও জিলাৰ জুৰীয়াৰ বিভিন্ন অঞ্চলত আৰক্ষীৰ ড্ৰাগছ বিৰোধী অভিযান। আৰক্ষীৰ অভিযানত বৃহৎ পৰিমাণৰ ড্ৰাগছ জব্দ কৰাৰ লগতে মবাইল ফোন জব্দ কৰে। আৰক্ষীৰ এই অভিযানত জুৰীয়াৰ মাহগুৰীৰ পৰা এজন ড্ৰাগছ বেপাৰী আইজুল হ'কৰ লগতে হাতীযুজোৱাৰ পৰা তিনিজন ড্ৰাগছ সেৱনকাৰীক আটক কৰে।
আটকাধীন কৰা কেইজনৰ নাম ক্ৰমে জালাল উদ্দিন, ফকৰউদ্দিন আলী আৰু ইনামুল হক।লগতে পূৱ নাৰামাৰীৰ পৰা আটক কৰে নিজামুদ্দিনক। বেপাৰী আইজুল হ'কে দীৰ্ঘদিন ধৰি নিষিদ্ধ ড্ৰাগছৰ অবৈধ বেহা চলাই আহিছিল। গোপন সূত্ৰৰ পম খেদি জুৰীয়া আৰক্ষীয়ে ড্ৰাগছসহ আটক কৰিবলৈ সক্ষম হয় এই কেইজন ড্ৰাগছ ব্যৱসায়ীক। সম্প্ৰতি ড্ৰাগছ ব্যৱসায়ী এই কেইজনক আটক কৰি জুৰীয়া আৰক্ষীয়ে ইতিমধ্যে তদন্ত আৰম্ভ কৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।