লক্ষীপুৰঃ গোৱালপাৰা জিলাৰ জলেশ্বৰ সমষ্টিৰ শিমলাবাৰী বজাৰত লোকনিৰ্মাণ বিভাগৰ অন্তৰ্গত কেইবা শ মিটাৰ পথৰ নলা নিৰ্মাণৰ কামত ব্যাপক অনিয়মৰ অভিযোগ। নিম্নমানৰ সামগ্ৰীৰে কাম কৰাৰ অভিযোগ ৰাইজৰ। স্থানীয় ৰাইজৰ কথাত কোনো কেৰেপ নকৰে অভিযন্তাৰ লগতে ঠিকাদাৰ গিয়াছ উদ্দিনে। ৰাইজৰ অভিযোগ মতে কোনো ধৰনৰ জোখ-মাখ নকৰাকৈ নিজৰ খেয়াল খুচি মতে নলা নিৰ্মাণ কাৰ্য চলাই আছে ঠিকাদাৰজনে।
বজাৰৰ কাষেৰে সঠিক মাফ জোখাৰে নলা খান্দিবৰ বাবে বাৰংবাৰ ৰাইজৰ অনুৰোধ জনোৱাৰ পিছতো কোনো গুৰুত্ব দিয়া নাই ঠিকাদাৰ তথা বিভাগীয় অভিযন্তাই, উল্লেখ্যনীয় যে বৰ্তমানলৈকে কামৰ কোনো ধৰণৰ ফলক নথকা বাবে নিৰ্ধাৰিত পুঁজিৰ পৰিমাণৰ লগতে কেইশ মিটাৰৰ কাম সেয়া স্পষ্টকৈ জানিব পৰা হোৱা নাই। যাৰ বাবে আজি উপায় বিহীন হৈ স্থানীয় ৰাইজে অৰ্থাৎ পুৰুষ-মহিলা ওলাই আহি তীব্ৰ প্ৰতিবাদ সাব্যস্থ কৰে আৰু সংবাদ মাধ্যমযোগে বিষয়টো তদন্ত কৰি সঠিকভাবে কামটো কৰিবলৈ চৰকাৰৰ ওচৰত দাবী জনায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।