কামপুৰঃ মুম্বাইৰ ব্ৰিছকেন্দি হাস্পতালত ৯২বছৰ বয়সত দেওবাৰে মহাপ্ৰয়াণ ঘটা ভাৰতৰত্ন কুকিলকণ্ঠী গায়িকা লতা মংগেশকাৰৰ মৃত্যুত দেশজুৰি শোকৰ ছাঁ পৰিছে৷ শিল্পী গৰাকীৰ মৃত্যুৰ খবৰে ভাৰতৰ লগতে বিশ্বৰ বিভিন্ন প্ৰান্ততো শোকৰ বন্যা বোৱাইছে৷ বিভিন্ন প্ৰান্তৰ লগতে অসমতো শোকৰ ছাঁ পৰিছে আৰু বিভিন্ন প্ৰান্তত শিল্পীগৰাকীৰ প্ৰতি শেষ শ্ৰদ্ধা নিবেদন কৰাৰ সমান্তৰালকে কামপুৰতো লতাজীৰ প্ৰতি শেষ শ্ৰদ্ধা নিবেদন কৰা হয়৷
আজি কামপুৰৰ বিভিন্ন শিক্ষানুষ্ঠানৰ লগতে অঞ্চলটোৰ বিভিন্ন অনুষ্ঠান-প্ৰতিষ্ঠানে ভাৰত ৰত্ন গৰাকীৰ সোঁৱৰণত শ্ৰদ্ধা নিবেদন কৰে। কামপুৰ মহাবিদ্যায়ত গভীৰ শোক প্ৰকাশ কৰে মহাবিদ্যালয় কৰ্তৃপক্ষই। মহাবিদ্যালয় খনৰ অধ্যক্ষ ড০ অসিম বৰাৰ উপস্থিতিত ছাত্ৰ-ছাত্ৰী আৰু প্ৰৱক্তাসকলে মৌন প্ৰাৰ্থনা কৰাৰ লগতে এখন শোক সভাও অনুষ্ঠিত কৰে। ইফালে কামপুৰৰ সকলো চৰকাৰী অনুষ্ঠান সমূহৰ লগতে শিক্ষানুষ্ঠান সমূহত ৰাষ্ট্ৰীয় পতাকা অৰ্ধনমিত কৰি শোক পালন কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।