নিউজ ডেস্কঃ আৰক্ষী অধীক্ষক আনন্দ মিশ্ৰই আজি নগাঁৱৰ পৰা বিদায় ল’লে। কীৰ্তিকমল বৰা গুলিচালনা কাণ্ডক লৈ নগাঁও আৰক্ষীৰ ওপৰত উঠা সন্দেহৰ আঙুলিৰ মাজতে অতিৰিক্ত মুখ্য সচিবৰ এজনীয়া তদন্ত সমিতিয়ে দাখিল কৰিছিল তদন্তৰ প্ৰতিবেদন।
বুধবাৰে আৰক্ষী অধীক্ষক আনন্দ মিশ্ৰই সংবাদমেল সম্বোধন কৰি পুনৰ কীৰ্তিকমল বৰাক ড্ৰাগছ পেডলাৰ সজোৱাৰ চেষ্টা কৰাৰ উপৰিও “চান্দা পাৰ্টিৰ মানুহ”ৰূপে অভিহিত কৰে।আৰক্ষী অধীক্ষক গৰাকীয়ে সংবাদ মেল সম্বোধন কৰাৰ কিছু সময় পিছতে মুখ্যমন্ত্ৰীৰ নিৰ্দেশমৰ্মে আনন্দ মিশ্রক নগাঁৱৰ পৰা অসম আৰক্ষীৰ মুখ্য কাৰ্যালয়লৈ বদলি কৰা হয়।
বৃহস্পতিবাৰে আনন্দ মিশ্ৰই নগাঁৱৰ পৰা বিদায় লোৱা সময়ত ধন্যবাদ জনায় সকলোকে। নগাঁৱক মিছ কৰিব বুলি কৈ তেওঁ সকলোকে ভালকৈ থকাৰ কামনা কৰে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।