বটদ্ৰৱাঃ জুৱা আৰু ড্ৰাগছৰ বিৰুদ্ধে নগাঁও জিলাৰ জুৰীয়া আৰক্ষীৰ বৃহৎ অভিযান। আৰক্ষীৰ অভিযানত পাঁচজনকৈ জুৱাৰী আৰু এজন ড্ৰাগছ ব্যৱসায়ীক আটক। অভিযানত উদ্ধাৰ হয় ৬,৪০০ টকাৰ লগতে জুৱাখেলত ব্যৱহৃত সা-সামগ্ৰীসহ ৩খন কৈ দুচকীয়া বাহন। নগাঁও জিলাৰ জুৰীয়া আৰক্ষী থানাৰ ভাৰপ্ৰাপ্ত আৰক্ষী বিষয়া অদিত বড়োৰ নেতৃত্বত চলিছিল এই অভিযান।
এক গোপন সূত্ৰৰ পম খেদি জুৰীয়াৰ শিঙ্গাৰি আৰু মাহেৰীপাৰত চলাইছিল এই অভিযান। গ্ৰেপ্তাৰ হোৱা কুখ্যাত জুৱাৰীকেইজন জুৰীয়াৰ কছাৰী গাঁৱৰ খাইৰুল ইছলাম আৰু বাহাৰুল ইছলাম,ইফালে শিঙাৰী গাঁৱৰ মোস্তাফা হুছেইন, ইয়াছিন আলী আৰু জহিৰুল ইছলাম। লগতে আটকাধীন ড্ৰাগছ ব্যৱসায়ী সোনাইবেৰা গাঁৱৰ শৰিফুল ইছলাম বুলি জানিব পৰা গৈছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।