নগৰবেৰাঃ বাঘবৰ সমষ্টিৰ আলোপতি থানাৰ অন্তৰ্গত বাঘমাৰাচৰত সংঘটিত হয় এক ভয়ংকৰৰ অগ্নিকাণ্ড। নিমিষতে ভস্মীভূত হয় আনোৱাৰ আলীৰ দুটাকৈ ঘৰসহ কেইবা লাখ টকাৰ সম্পত্তি। জানিব পৰা মতে ভাত ৰন্ধা চৌকাৰ পৰাই জুইৰ সূত্ৰপাত হয়। নগদ পঞ্চাছ হাজাৰ টকাৰ লগতে আনুমানিক সাত লক্ষাধিক টকাৰ সা-সম্পত্তি নষ্ট হোৱা বুলি জানিব দিয়ে পৰিয়ালৰ লোকে। স্থানীয় ৰাইজে দৰিদ্ৰ পৰিয়ালটিক উপযুক্ত ক্ষতিপূৰণ দিয়াৰ বাবে স্থানীয় বিধায়কৰ লগতে চৰকাৰক জনায় কাতৰ আহ্বান।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।