ৰঙিয়াঃ ৰঙিয়াৰ ঐতিহাসিক জয়ন্তীপুৰ কালি মন্দিৰত চুৰিৰ ঘটনা। নিশা মন্দিৰৰ তলা ভাঙি চোৰে লুটি নিলে বহু মূল্যবান সামগ্ৰীৰ লগতে নগদ ধন। কালিমন্দিৰ পৰিচালনা সমিতিয়ে জানিবলৈ দিয়াযতে চোৰে লুটি নিয়ে তামৰ পুস্পপত্ৰ দুখন, তামৰ চাকি তিনিটা, কোষা অৰ্ঘ্য দুই যোৰ, পিতলৰ চাকি গছি তিনিটা, তামৰ ঘটি এটা, পিতলৰ ঘটি এটা, বৰ কাঁঁহ এটা, কাহৰ কাঁহী দুই জোৰ, লগতে বৃহৎ পৰিমাণৰ নগদ ধন।
মন্দিৰ পৰিচালনা সমিতিয়ে ইতিমধ্যে ৰঙিয়া আৰক্ষী থানত ঘটনা সম্পৰ্কত এক গোচৰ ৰুজু কৰিছে। ইফালে চুৰি কাৰ্য্যৰ বিষয়ে অৱগত হোৱা মাত্ৰকে ৰঙিয়া আৰক্ষী থানৰ আৰক্ষী ঘটনাস্থলীত উপস্থিত হৈ আৰম্ভ কৰিছে প্ৰাথমিক তদন্ত। ঐতিহাসিক কালি মন্দিৰৰ চুৰিৰ ঘটনাত ৰঙিয়াৰ বিভিন্ন ব্যক্তিৰ গৰিহণা। উচিত তদন্তৰ দাবী।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।