বৰপেটাত দুটাকৈ পথ দুৰ্ঘটনা

বৰপেটা: বৰপেটা জিলাৰ ভেল্লাত বৃহস্পতিবাৰে নিশা ৯.৩০ বজাত এক ভয়ংকৰ পথ দুৰ্ঘটনা সংঘটিত হয়। জানিব পৰা মতে গুৱাহাটীৰ দিশৰপৰা বৰপেটা অভিমুখে আহি থকা এখন ব্যৱসায়িক অনুজ্ঞাপত্ৰ থকা AS01JC 7098 নম্বৰৰ চুইফট ডিজায়াৰ এখনে AS01E A 1625 নম্বৰৰ এখন বাইকক প্ৰচণ্ড জোৰেৰে খুন্দা মাৰে। দুৰ্ঘটনাটোত বৰপেটা সত্ৰকণৰাৰ ইউচুফ আলী আৰু আকলিমা খাতুন নামৰ স্বামী স্ত্ৰীহাল গুৰুতৰভাবে আঘাতপ্ৰাপ্ত হয়।

দুয়োজনকে প্ৰাথমিক চিকিৎসাৰ অন্তত গুৱাহাটী চিকিৎসা মহাবিদ্যালয়লৈ প্ৰেৰণ কৰা হয়। আনহাতে আন এটা দুৰ্ঘটনা সংঘটিত হয় বৰপেটাৰ খঙৰাত। এখন তীব্ৰবেগী ইণ্ডিকা বাহনে পথেৰে চাইকেল চাইকেল চলাই গৈ থকা এজন পথচাৰীক পিছপিনৰ পৰা খুন্দিয়াই পলায়ন কৰে। দুৰ্ঘটনাৰ ফলত পথচাৰীজন গুৰুতৰভাবে আঘাতপ্ৰাপ্ত হয়।

আঘাতপ্ৰাপ্ত লোকজনক বৰপেটা ৰাধাকুছিৰ পলান আলী বুলি জানিব পৰা গৈছে।