বটদ্ৰৱাঃ নগাঁও জিলাৰ ৰূপহীহাটৰ গড়াজানৰ পশ্চিম ফুটালজাৰ গাঁৱৰ হাজেৰা খাতুন নামৰ এগৰাকী মহিলাই সংৰক্ষিত অভয়াৰন্যখনত আন কেইবাগৰাকী মহিলাৰ সৈতে খৰি বিচাৰি গৈছিল। তাতেই ঘৰলৈ ওভতি অহাৰ পথত বনৰীয়া হাতীৰ আক্ৰমনত থিতাতে প্ৰাণ গ’ল মহিলাগৰাকীৰ। বন্যপ্ৰাণী বিভাগৰ কটকটীয়া নিৰাপত্তা ব্যৱস্থা থকাৰ পিছতো সম্পূৰ্ণ প্ৰৱেশ নিষিদ্ধ অভয়াৰণ্য খনত কিদৰে দুটাকৈ বন শিবিৰ অতিক্ৰম কৰি মহিলা আৰু সহযোগী সকল খৰি বিচাৰি অভয়াৰণ্য খনত প্ৰৱেশ কৰিবলৈ সক্ষম হৈছিল সেয়া ৰহস্যজনক বিষয়। ঘটনাস্থলীত বনকৰ্মীৰ লগতে স্থানীয় আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাৱলৈ প্ৰেৰণ কৰিছে। ঘটনাক কেন্দ্ৰ কৰি সমগ্ৰ অঞ্চলতে শোকৰ ছাঁ পৰিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।