খাৰুপেটীয়া: বিগত কিছুদিন ধৰি খাৰুপেটীয়াবাসী ৰাইজৰ নিদ্ৰা হৰণ কৰিছিল চোৰে। এটাৰ পিছত এটাকৈ চুৰি কাণ্ড সংঘটিত কৰি লুটি নিছিল সা-সামগ্ৰী, নগদ ধন, আ অলংকাৰ আদি। অবশেষত চুৰি কাণ্ডত লিপ্ত থকা ভোটপুখুৰী গাঁৱৰ ৰফিকুল ইছলাম নামৰ যুৱক এজনক আটক কৰে দৰঙৰ খাৰুপেটীয়া আৰক্ষীয়ে। যুৱকজন খাৰুপেটীয়াৰ ৰাম নগৰ মছজিদৰ ওচৰত এটা ভাৰাঘৰত থাকি লিপ্ত হৈছিল চুৰি কাৰ্যত।
নিশা যুৱকজন খাৰুপেটীয়াৰ এঘৰত চুৰি কৰিবলৈ যাওঁতে হাতে লোটে ধৰা পৰে। ৰফিকুলৰ পৰা চুৰি কাৰ্যত ব্যৱহৃত এখন ছুৰি আৰু এখন লোহাৰ ছাবল উদ্ধাৰ কৰে আৰক্ষীয়ে। যুৱকজনৰ বিৰুদ্ধে গোচৰ ৰুজু কৰি অধিক তথ্য উদঘাটনৰ বাবে আৰক্ষীয়ে সোধ পোচ অব্যাহত ৰাখিছে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।