পূৱ বৰপেটাঃ সৰ্থেবাৰীত চোৰৰ চাফাই অভিযান। নিশা সৰ্থেবাৰীত চোৰে চলালে লুটপাত। ঐতিহাসিক সৰ্থেবাৰীৰ সভা মহোৎসৱ চলি থকাৰ মাজতে নিশা চোৰে সংঘটিত কৰিলে চুৰিকাণ্ড। সৰ্থেবাৰীৰ শালাকাঠিয়াথেৰ চুপাৰ দীপক ডেকাৰ ঘৰত চোৰে চলালে লুটপাত। উল্লেখ্য যে দীপক ডেকাৰ পৰিয়ালৰ সকলো গৈছিল সৰ্থেবাৰীৰ সভা মহোৎসৱ চাবলৈ। আৰু ঘৰত কোনো নথকাৰ সুযোগ লৈ চোৰে টলা ভাঙি দীপক ডেকাৰ ঘৰত প্ৰৱেশ কৰে। ঘৰৰ ভিতৰত গডৰেজ, বাকছ আদি ভাঙি লণ্ডভণ্ড কৰে চোৰে। নগদ দহ হেজাৰ টকাৰ লগতে লক্ষাধিক টকাৰ সোণৰ অলংকাৰ লুটি লৈ যায় চোৰে। কালি সভাৰ খলাৰ পৰা এখন বাইক চুৰি হোৱাৰ পাছত আজি মানুহৰ ঘৰত প্ৰবেশ কৰি চোৰে চলালে লুটপাত। ইয়াকে লৈ উদ্বিগ্নতাৰ সৃষ্টি হৈছে সৰ্থেবাৰীত।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।