অৱশেষত আহি পালে মদিনাৰ ইমাম

নগাঁওঃ অৱশেষত অসম আহি পালে মদিনাৰ ইমাম। কিছুসময় পূৰ্বে বৰঝাৰ বিমান বন্দৰত উপস্থিত হৈ বৰ্তমান নগাঁও অভিমুখে ৰাওনা হৈছে মদিনাৰ ইমাম। আজি দিনৰ ভাগত জুৰীয়াত উপস্থিত হৈ জুম্মাৰ নামাজ পঢ়োৱাৰ কথা আছিল। জুৰীয়াৰ হাইমাদ্ৰাছা খেলপথাৰত ৰাজ্যৰ বিভিন্ন প্ৰান্তৰ পৰা লাখ লাখ জনতা আহি ভিৰ কৰিছিল। কিন্তু জুম্মাৰ সময়ত ইমাম আহি নোপোৱাত ক্ষোভত জ্বলিছিল ধৰ্মপ্ৰাণ ৰাইজ। উত্তেজিত ৰাইজে ভাঙি লণ্ড-ভণ্ড কৰিছে অনুষ্ঠানৰ সকলো আছবাব। কিন্তু এই উত্তেজনা অব্যাহত থকাৰ সময়তে ইমাম পলমকৈ আহি উপস্থিত হ'ল বৰঝাৰ বিমান বন্দৰত। বিমানৰ সময়সূচীৰ খেলি মেলিৰ বাবেই অহাত পলম হ'ল ইমামগৰাকীৰ।