চাপৰৰ আৰেয়াঝাৰত বিজেপি দলৰ নিৰ্বাচনী প্ৰচাৰ সভা

চাপৰঃ আগন্তুক পৌৰসভা নিৰ্বাচন উপলক্ষে চাপৰৰ আৰেয়াঝাৰত বিজেপি দলৰ নিৰ্বাচনী প্ৰচাৰ সভা। উক্ত সভাত মুখ্য অতিথিৰূপে উপস্থিত থাকে ৰাজ্যসভাৰ সাংসদ ভূবনেশ্বৰ কলিতা। উপস্থিত হৈ সাংসদ গৰাকীয়ে চাপৰ পৌৰসভাৰ অন্তৰ্গত ০১ নং ওৱাৰ্ডৰ বিজেপি দলৰ মনোনীত প্ৰাৰ্থী ধনঞ্জয় মেধীৰ হৈ প্ৰচাৰ চলোৱাৰ লগতে বাকী থকা চাপৰ পৌৰসভাৰ অন্তৰ্গত ০৯ টা ওৱাৰ্ডৰ বিজেপি দলৰ মনোনীত প্ৰাৰ্থীৰ হৈও নিৰ্বাচনী প্ৰচাৰ চলাই। উক্ত সভাতে বিলাসীপাৰা পূৱ সমষ্টিত পৌৰসভা নিৰ্বাচনত AGP দলৰ লগত BJP দলৰ মিত্ৰতা সন্দৰ্ভত বিলাসীপাৰা পূৱ সমষ্টিৰ প্ৰাক্তন বিধায়ক অশোক কুমাৰ সিংহীয়ে পুনৰবাৰ সৰৱ হৈ কয় যে আসন বুজা বুজিৰ ক্ষেত্ৰত AGP দলে কোনো আনুষ্ঠানিক পত্ৰ BJP দললৈ প্ৰেৰণ কৰা নাই বাবে BJP দলে নিজাববীয়াকৈ প্ৰাৰ্থী প্ৰদান কৰি পৌৰসভা নিৰ্বাচন অকলে খেলি আছে।