শিৱৰাত্ৰিৰ দিনাই বটদ্ৰৱাৰ ৰাইডঙীয়াত কেইবাটাও নামঘৰ আৰু ব্যক্তিগত ঘৰত চোৰৰ চাফাই অভিযান

বটদ্ৰৱাঃ শিৱৰাত্ৰিৰ দিনাই নগাঁও জিলাৰ বটদ্ৰৱাৰ ৰাইডঙীয়াত কেইবাটাও নামঘৰ আৰু ব্যক্তিগত ঘৰত চোৰৰ চাফাই অভিযান৷ চোৰে চুৰি কৰি লৈ গ'ল বহু মূল্যবান সা-সামগ্ৰী আৰু এখন মটৰ চাইকেল৷ একাংশ নিচাসক্ত লোকে এই কাৰ্য কৰাৰ সন্দেহ প্ৰকাশ কৰিছে আৰক্ষীয়ে।কেৱল মাত্ৰ কাগজ-পত্ৰতহে সক্ৰিয় হৈ থকা ৰাইদঙীয়াৰ গাঁওৰক্ষী বাহিনীৰ ভূমিকাক লৈও সৰৱ গাঁওবাসী৷ অৱশ্যে স্থানীয়লোকৰ প্ৰচেষ্টাত এটা পৰিত্যক্ত ঘৰৰ পৰা আৰক্ষীয়ে উদ্ধাৰ কৰিবলৈ সক্ষম হৈছে কিছু সামগ্ৰী৷ আৰক্ষীয়ে জব্দ কৰিছে চুৰিকাৰ্যত ব্যৱহৃত এখন চিপ্ৰাং৷ কেইবাটাও ৰাজহুৱা নামঘৰত চুৰি কাৰ্য সংঘটিত হোৱাৰ ঘটনাই চিন্তিত হৈ পৰিছে বৃহত্তৰ ৰাইদঙীয়াবাসী ৰাইজ। বৰ্তমান জাজৰি আৰক্ষীয়ে ঘটনাস্থলীত উপস্থিত হৈ তদন্ত অব্যাহত ৰাখিছে।