শালবাৰীঃ বাক্সা জিলা সাহিত্য সভাৰ নৱম দ্বি-বাৰ্ষিক অধিবেশনৰ সাংস্কৃতিক শোভাযাত্ৰাৰে আৰম্ভ হ’ল অন্তিম দিনৰ কাৰ্য্যসূচী৷ বাৰাপেটা হাইস্কুলৰ পৰা আৰম্ভ হোৱা সাংস্কৃতিক শোভাযাত্ৰাৰে বাক্সা জিলা সাহিত্য সভাৰ নৱ নিযুক্ত সভাপতি কামদেৱ দাসক অধিবেশনস্থলীলৈ আদৰি অনা হয়৷ নৱ নিযুক্ত সভাপতি গৰাকীক বিভিন্ন জনগোষ্ঠীয় নৃত্য-গীতৰ লগতে আয়তি সকলৰ নাম প্ৰসংগৰে আদৰি অনা হয়৷ শোভাযাত্ৰাত বিভিন্ন বিদ্যালয়ৰ ছাত্ৰ-ছাত্ৰী আৰু সাহিত্যপ্ৰেমী ৰাইজৰ অংশগ্ৰহণ আছিল উল্লেখযোগ্য৷ বিয়লিৰ ভাগত অনুষ্ঠিত হ’ব মুকলি অধিবেশন ৷ অধিবেশনত বিটিআৰৰ ই এম গৌতম দাসৰ পৌৰহিত্যত অনুষ্ঠিত হ’বলগা মুকলি অধিবেশনত বিটিআৰ চীফ প্ৰমোদ বড়ো, কেবিনেট মন্ত্ৰী ৰনজিত কুমাৰ দাস, বিধায়ক মনোৰঞ্জন তালুকদাৰ, সাহিত্য সভাৰ প্ৰধান সম্পাদক যাদৱ চন্দ্ৰ শৰ্মা প্ৰমূখ্য লোকসকলৰ উপৰিও সাহিত্য প্ৰেমী বহু ব্যক্তি উপস্থিত থকাৰ কথা৷
