মাৰ্ঘেৰিটাত নিৰ্বাচনী পৰ্যবেক্ষকৰ সংবাদ মেল

মাৰ্ঘেৰিটাঃ আজি পুৱাৰ ভাগতে মাৰ্ঘেৰিটা মহকুমাধিপতি কাৰ্যালয়ত এক সংবাদ আয়োজন কৰা হয়। সদ্য সমাপ্ত মাৰ্ঘেৰিটা পৌৰসভা নিৰ্বাচন সন্দৰ্ভত আজি মাৰ্ঘেৰিটা মহকুমাধিপতি কাৰ্যালয়ৰ সভাকক্ষত নিৰ্বাচনী পৰ্যবেক্ষক ৰাহুল চন্দ্ৰ দাসে সংবাদ মেলৰ যোগেদি শান্তিপূৰ্ণ আৰু নিয়াৰিকৈ সম্পন্ন হৈ যোৱাৰ বাবে মহকুমা প্ৰশাসনৰ লগতে নিৰ্বাচন অনুষ্ঠিত কৰাত সহায় কৰা সকলোকে ধন্যবাদ জ্ঞাপন কৰে। মহকুমাটোৰ অন্তৰ্গত দুয়োখন পৌৰসভাতেই শান্তিপূৰ্ণভাৱে নিৰ্বাচন অনুষ্ঠিত হৈ যোৱা বুলি উল্লেখ কৰা লগতে কালিলৈ হ’বলগীয়া ভোট গণনাটো নিয়াৰিকৈ সম্পন্ন কৰাত সহায় কৰিবৰ বাবে আহ্বান জনায়।