মৈৰাবাৰীতো আন্তৰ্জাতিক নাৰী দিৱস উদযাপন

মৈৰাবাৰীঃ গোটেই ভাৰতৰ লগতে মৈৰাবাৰীতো আজি ৮ মাৰ্চ, আন্তৰ্জাতিক নাৰী দিৱস উদযাপন কৰা হয়। মহিলা সজাগতা গ্ৰাম্য উন্নয়ন সমিতি তথা জ্যোতিৰ্মই সমাজ মৈৰাবাৰীৰ উদ্যোগত মৈৰাবাৰী বৃদ্ধাশ্ৰমৰ প্ৰেক্ষাগৃহত আয়োজন কৰা হয় আন্তৰ্জাতিক নাৰী দিৱস। সমাজ সেৱক আজহাৰ উদ্দিনৰ তত্ত্বাৱধানত তথা সন্মিলিত নাৰী মঞ্চ মৰিগাঁৱৰ সহযোগত আয়োজন কৰা নাৰী দিৱসত  অতিথি হিচাপে উপস্থিত থাকে সন্মিলিত নাৰী মঞ্চৰ ভালে কেইগৰাকী বিষয়ববীয়া। বৰ্দ্ধিত নাৰী নিৰ্যাতন, ধৰ্ষণ, হত্যা আদিৰ বিৰুদ্ধে সকলো নাৰী সমাজক ঐক্যবদ্ধ কৰি তোলাৰ পোষকতাৰ উদ্দেশ্যি বক্তব্য দিয়ে আমন্ত্ৰিত নাৰী মঞ্চৰ উপদেষ্টা শ্ৰীযুতা- বাণী বৰুৱাই। নাৰীসকলক স্বচ্ছল আৰু শাৱলম্বী কৰাৰ উদ্দেশ্যি বহুমূলীয়া বক্তব্য,আৰু কবিতা পাঠেৰে মণমুগ্ধ কৰে আন আমন্ত্ৰিত অতিথি সকলে। সভাৰ শেষত জাতীয় সংগীতেৰে সমাপ্ত কৰা হয় সভাখন।