গৌৰীপুৰ পৌৰসভা বিজেপিৰ দখলত, বিজেপিৰ কাৰ্যালয়ত উখল-মাখল পৰিৱেশ

গৌৰীপুৰঃ পুনৰ বিজেপিৰ দখলত  গৌৰীপুৰ পৌৰসভা। আজি ঘোষিত ফলাফল অনুসৰি গৌৰপুৰ পৌৰসভাৰ মুঠ ১৩ খনৰ আসনৰ ভিতৰত বিজেপিয়ে ৮ খনত , কংগ্ৰেছে ২ খনত আৰু তিনিটা আসনত নিৰ্দলীয় প্ৰাৰ্থীয়ে বিজয় সাব্যস্ত কৰে।  আনহতে অসম গণ পৰিষদ দলে ১০ আসনত প্ৰতিদ্বন্দিতা কৰি খাতা খুলিবলৈ সক্ষম হোৱা নাই, তেনেদৰে এআইইউডিএফ দলে চাৰিখন আসনত প্ৰাৰ্থী প্ৰক্ষেপ কৰিও এটাও আসন লাভ কৰিবলৈ সক্ষম হোৱা নাই।দুপৰীয়া ফলাফল ঘোষণাৰ পাছতেই গৌৰীপুৰ বিজেপিৰ কাৰ্যালয়ত বিজয়ী প্ৰাৰ্থীসকল উপস্থিত হোৱাৰ লগে লগে এক উৎসৱ মুখৰ পৰিৱেশৰ সৃষ্টি হয়। আৱতৰী দিপাৱলীৰ দৰেই ফটকা ফুটোৱাৰ লগতে বিজেপিৰ কৰ্মীসকলে সংগীতৰ তালে তালে নাচি বাগি আনন্দ উপভোগ কৰা পৰিলক্ষিত হয়। ইয়াৰ পাছত বিজয়ী প্ৰাৰ্থীক লৈ গৌৰীপুৰ পৌৰসভাৰ মূল দায়িত্বত থকা প্ৰাক্তন বিধায়ক বনেন্দ্ৰ কুমাৰ মুছাহাৰীয়ে এক বিশাল শোভাযাত্ৰা উলিয়ায়।