জামুগুৰিহাটঃ শোনিতপুৰ জিলাৰ জামুগুৰিহাটৰ ৰত্নপুৰ গৰিয়াখানা ৰাইজৰ উদ্যোগত কালি দিনজোৰা কাৰ্য্যসূচীৰে অনুষ্ঠিত হয় বৈকুণ্ঠ ভাগৱত পাঠ অনুষ্ঠান ৷ অঞ্চলটোৰ কেইবা শতাধিক ভক্তপ্ৰাণ ৰাইজৰ উপস্থিতিত ৰত্নপুৰৰ শংকৰদেৱ সংঘৰ কীৰ্ত্তন গৃহত ভাগৱত পাঠ কৰে নাৰায়নপুৰৰ বিজয় গোৱালাই৷ ভাগৱত ব্যাখ্যা আগবঢ়াই নাৰয়নপুৰৰ মাধৱ দাস আৰু ধেমাজিৰ ৰঞ্জিত শইকীয়াই৷ ৰাইজৰ উপস্থিতিয়ে বৈকুণ্ঠ নগৰী কৰি তোলে ৰত্নপুৰ অঞ্চলক৷ অঞ্চলটোৰ ৰাইজৰ কুশল মংগল তথা শান্তি সম্প্ৰীতিৰ লগত বিশ্ব শান্তিৰ কামনাৰে এই বৈকুণ্ঠ ভাগৱত পাঠৰ আয়োজন কৰা হয় বুলি জানিবলৈ দিয়ে উদ্যোক্তা সকলে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।