দলগাঁৱত দুই ড্ৰাগছ সৰবৰাহকাৰীক আটক

খাৰুপেটীয়াঃ দলগাঁৱত ড্ৰাগছ সৰবৰাহকাৰী দুজনক  আটক।  জানিব পৰা মতে, নিশা এক গোপন সূত্ৰৰ ভিত্তিত দলগাঁও আৰক্ষী থানাৰ ভাৰপ্ৰাপ্ত বিষয়া মনোৰঞ্জন গগৈৰ নেতৃত্বত এদল আৰক্ষী তালাচী চলাই বেছিমাৰী গন্ডাপুখুৰী অঞ্চলত দুজন যুৱকে ড্ৰাগছ সৰবৰাহ কৰি থকা অৱস্থাত আটক কৰে ৷ যুৱক দুজনে AS 01 D Z2504 নম্বৰৰ কেটিএম বাইকেৰে গন্ডাপুখুৰীৰ পৰা বেছিমাৰীৰ দিশে আহি থকা অৱস্থাত চাৰিটা চাবোনৰ বাকচত ৫০ গ্ৰাম হিৰইন উদ্ধাৰ হয় ৷ যুৱক দুজন দলগাওঁ থানা এলেকাৰে মাজগাঁৱৰ ৰফিকুল ইছলাম আৰু বেছিমাৰীৰ নগাঁৱৰ জাকিৰ হুছেইন বুলি আৰক্ষীৰ সূত্ৰত প্ৰকাশ কৰিছে ৷ ইয়াৰ লগত বৃহৎ চক্ৰ জড়িত থকাৰ সন্দেহ আৰক্ষীৰ । চক্ৰ উদ্ধাৰৰ বাবে অটকাধিন ধৃত দুই সৰবৰাহকাৰীক আৰক্ষীয়ে সোধ-পোচ অব্যাহত ৰাখিছে ।