বৰপেটাঃ নতুন শিক্ষানীতিৰ লগতে শিক্ষাদানত বৈদ্যুতিক মাধ্যম আৰু তথ্য প্ৰযুক্তিৰ ব্যৱহাৰৰ উপৰি বিদ্যালয় পৰিচালনা সমিতিৰ কাৰ্যাৱলীৰ ওপৰত অনুষ্ঠিত হয় বিদ্যালয় পৰিচালনা সমিতিৰ প্ৰশিক্ষণ৷ বৰপেটা চহৰৰ ৩ নং দক্ষিনহাটী নিম্ন বুনিয়াদী বিদ্যালয়ত তিনিদিনীয়াকৈ অনুষ্ঠিত এই প্ৰশিক্ষণৰ আজি অন্তিমদিন৷ এই প্ৰশিক্ষণত সমল ব্যক্তি হিচাপে অংশগ্ৰহণ কৰে তপন চহৰীয়া আৰু হিৰণ্য দাসে৷
প্ৰশিক্ষণত বিদ্যালয়খনৰ অৱসৰপ্ৰাপ্ত প্ৰধান শিক্ষক ফণীধৰ পাঠক, ৩ নম্বৰ দক্ষিণহাটী মণ্ডল সমল কেন্দ্ৰ সমন্বয়ক নৱদীপ কুমাৰ গায়ন, বিদ্যালয়খনৰ প্ৰধান শিক্ষয়িত্ৰী ৰেখাৰাণী পাঠকৰ উপৰি বিভিন্ন বিদ্যালয়ৰ শিক্ষক শিক্ষয়িত্ৰী উপস্থিত থাকে৷ উল্লেখ্য যে, প্ৰশিক্ষণত অংশগ্ৰহণ কৰা শিক্ষক শিক্ষয়িত্ৰীসকলক প্ৰশিক্ষণত বিশেষ গুৰুত্ব দিয়াৰ লগতে পৰ্যাপ্ত খাদ্য যোগান ধৰাত সন্তুষ্টি প্ৰকাশ কৰে শিক্ষক শিক্ষয়িত্ৰীসকল৷
