টীয়কত সন্মিলিত যুৱ সমাজৰ উদ্যোগত বিহু কৰ্মশালা

টীয়কঃ অসমীয়াৰ বাপতিসাহোন ৰঙালী বিহুৰ ঐতিহ্য আৰু পৰম্পৰা ৰক্ষা কৰি নৱপ্ৰজন্মৰ মাজত সঠিক ৰূপত বিহুক চিনাকি কৰি দিয়াৰ মানসেৰে টীয়কৰ সন্মিলিত যুৱ সমাজে ঐতিহাসিক টীয়ক হাইস্কুলৰ খেল পথাৰত বিহুৰ কৰ্মশালা অনুষ্ঠিত কৰিছে। এই কৰ্মশালাত কেইবাগৰাকী বিহুৱতীৰ দ্বাৰা চাৰি শতাধিকৰো অধিক কণ কণ শিশুৱে বিহুৰ আখৰাত ব্যস্ত হৈ পৰিছে। উল্লেখ্য যে প্ৰথমবাৰৰ বাবে আয়োজন কৰা এই বিহুৰ কৰ্মশালা এনেদৰে চাৰি শতাধিকে যোগদান কৰা কাৰ্যই আশাৰ বতৰা কঢ়িয়াইছে।