নাৰায়নপুৰত পূৰ্ণগতিত চলিছে বিহুৰ কৰ্মশালা

নাৰায়্ণপুৰঃ অসমীয়াৰ হেঁপাহৰ বহাগ বিহুলৈ মাজত মাথো কেইটামান দিন বাকী। ৰাজ্যৰ বিভিন্ন প্ৰান্তত আৰম্ভ হৈছে এতিয়া হেঁপাহৰ বহাগ বিহুক আদৰাৰ ব্যাপক প্ৰস্ততি। বিহুৰ কৰ্মশালাত ব্যস্ত হৈ পৰিছে এতিয়া নাচনী, ঢুলীয়াসকল। এই দৃশ্য নাৰায়্ণপুৰৰ কাঠনিৰ। শ্ৰীমন্ত শংকৰদেৱ সুৰুযমুখী যুৱক সংঘৰ উদ্দ্যোগত নাৰায়্ণপুৰৰ কাঠনিত এমহীয়াকৈ অনুষ্ঠিত কৰা হৈছে এই বিহুৰ কৰ্মশালা। ১০০ ৰো অধিক কণ কণ শিক্ষাৰ্থীৰ লগতে বহু যুৱতীসকলেও প্ৰশিক্ষণত অংশগ্ৰহণ কৰিছে।