ঢকুৱাখনাঃ ঢকুৱাখনাত CBSE বৰ্ডৰ অধীনৰ ব্যক্তিগত খণ্ডৰ ইংৰাজী মাধ্যমৰ এখন বিদ্যালয়ে আজি গ্ৰহণ কৰিলে এক প্ৰশংসনীয় পদক্ষেপ।নিজৰ কৃষ্টি সংস্কৃতিতকৈ পশ্চিমীয়া সংস্কৃতিৰ প্ৰতিহে অধিক ধাৱমান হ'ব খোজা নতুন প্ৰজন্মৰ শ শ শিক্ষাৰ্থীৰ মনত নিজৰ কৃষ্টি-সংস্কৃতিৰ প্ৰতি শ্ৰদ্ধা আৰু আগ্ৰহৰ ভাৱ বঢ়াবলৈ আয়োজন কৰিলে বিহুৰ আদৰণি উৎসৱ। ঢকুৱাখনাৰ চেইণ্ট থমাছ স্কুলৰ কৰ্তৃপক্ষই শিক্ষক শিক্ষাৰ্থী সকলৰ সহযোগত আজি দিনজোৰা কাৰ্যসূচীৰে আয়োজন কৰে ৰঙালীৰ আদৰণি পৰ্ব। বিদ্যালয়খনৰ অধ্যক্ষ,শিক্ষক-শিক্ষয়িত্ৰী আৰু শিক্ষাৰ্থী সকলোৱে মিলি বিহু গাই, নাচি সীমাহীন আনন্দ ফুৰ্টি কৰা দেখা যায়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।