বিহুৰ বতৰত প্ৰতিগৰাকী অসমীয়াই মনত পেলাইছে বিহুগীতৰ ৰাণী ভিতালী দাসক...

নিউজ ডেস্কঃ আজি গৰু বিহু। আজিৰ পৰাই ৰাজ্যৰ প্ৰায় প্ৰতিখন মঞ্চতে গুঞ্জৰিত হ'ব বিহুনাম। বিহুৰ এনে মধুৰ সময়ত এতিয়া প্ৰতিগৰাকী অসমীয়াই মনত পেলাইছে জনপ্ৰিয় কণ্ঠশিল্পী প্ৰয়াত ভিতালী দাসক। মাঘৰ বিহুৰ সময়ত প্ৰায় ৫০, ১০০ খন বিহুগীতৰ দৃশ্য শ্ৰব্য কেচেট বজাৰলৈ আহিছিল। আৰু বেছিভাগেই ব্যাপক জনপ্ৰিয়তা লাভ কৰিছিল। সেইসময়ত প্ৰায় প্ৰতিখন বিহুসুৰীয়া গীতৰ কেছেটত কণ্ঠ নিগৰোৱা মহিলা কণ্ঠশিল্পীসকলৰ ভিতৰত অন্যতম আছিল ভিতালী দাস। জুবিন গাৰ্গৰ লগতেই প্ৰায় ৩০০০ গীতত কণ্ঠদান কৰিছে ভিতালীয়ে।