বৰপেটাঃ অসমীয়া নৱবৰ্ষৰ প্ৰথম দিনটোতে বৰপেটা জিলাৰ কৰ্মচাৰী পৰিষদে আজি গ্ৰহণ কৰে এক ব্যতিক্ৰমী কাৰ্যসূচী৷ জিলাখনৰ প্ৰাক্তন কৰ্মচাৰী সতীৰ্থসকলক জিলা কৰ্মচাৰী পৰিষদৰ কাৰ্য্যালয়ৰ বাকৰিলৈ আমন্ত্ৰণ কৰি শ্ৰদ্ধাসহকাৰে ৰঙালী বিহুৰ শুভেচ্ছা আৰু বিহুৱান দিয়া হয়। অৱসৰী প্ৰাক্তন সতীৰ্থক নিমন্ত্ৰণ কৰি আজিয়েই প্ৰাক্তন সতীৰ্থ মঞ্চ গঠন কৰা হয়। এই অনুষ্ঠানতে উদীয়মান লিখক তথা ফখৰুদ্দিন আলী আহমেদ চিকিৎসা মহাবিদ্যালয় হাস্পতাল কৰ্মচাৰী সন্থাৰ সভাপতি ধ্ৰুৱজ্যোতি দাসে নিজ পিতৃৰ নামত এটি পুথিভঁৰাল দান কৰে৷ পুথিভঁৰালটো শুভ উদ্বোধন কৰে বিশিষ্ট সাহিত্যিক অক্ষয় কুমাৰ মিশ্ৰই।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।