মাৰ্ঘেৰিটাত হনুমান জয়ন্তী মহোৎসৱৰ আয়োজন

মাৰ্ঘেৰিটাঃ আজি হনুমান জয়ন্তী। ৰাজ্যজুৰি পালন হৈছে হনুমান জয়ন্তী মহোৎসৱ। তাৰ প্ৰতি সংগতি ৰাখি সমান্তৰালকৈ আজি মাৰ্ঘেৰিটাৰ নাগা ঠাকুৰবাৰীত উলহ-মালহেৰে পালন কৰা হৈছে হনুমান জয়ন্তী। বিগত দুবছৰ ধৰি ক’ৰণাৰ প্ৰকোপৰ ফলতে হনুমান উদযাপন কৰা হোৱা নাছিল। গতিকে এই বছৰ সকলোয়ে অতি আনন্দ উল্লাসেৰে পালন কৰিবলৈ দেখিবলৈ পোৱা গৈছে। আজি প্ৰায় সহস্ৰাধিক ভক্তৰ সমাগমে সমগ্ৰ মাৰ্ঘেৰিটা পৰিভ্ৰমণ কৰি মাৰ্ঘেৰিটা পাব্লিক হাই চেকেণ্ডাৰী স্কুল ফিল্ডত হনুমান জয়ন্তীৰ শোভাযাত্ৰা শেষ হয়। পোৱাৰ পৰাই মন্দিৰত যথেষ্ট ভক্তৰ ভিৰ পৰিলক্ষিত হয়। ভক্তসকলে মন্দিৰত ধুপ ধুনা জলাই পূজা কৰিবলৈ দেখিবলৈ পোৱা যায়।