নগাঁৱত গভাইত চোৰক আটক

নগাঁওঃ নগাঁৱত ক্ৰমান্বয়ে চোৰে নিদ্ৰাহৰণ কৰিছে নগাঁৱবাসীৰ৷ বিগত কেইটামান দিনত মঠ-মন্দিৰ, ব্যৱসায়ীক প্ৰতিষ্ঠান, জ্যেষ্ঠ সাংবাদিকৰ বাসগৃহকে ধৰি বহুকেইটা স্থানত চোৰে চলাইছিল লুটপাত৷ যাৰবাবে সমালোচনাৰ সন্মুখীন হৈছিল নগাঁও আৰক্ষী৷

মঙলবাৰে পুৱতি নিশা হয়বৰগাঁও আৰক্ষীয়ে এক গোপনসূত্ৰৰ পম খেদি কেন্দুগুৰিৰ পৰা কৰায়ত্ত কৰে দুজনকৈ লোকক৷ দুয়োজনকে সোধপোছ অব্যাহত ৰখাৰ বিপৰীতে গ্ৰেপ্তাৰ কৰিছে ফৰজুল ইছলাম নামৰ গভাইত চোৰটোক৷ ধৃত চোৰটোৰ ঘৰৰ পৰা মন্দিৰৰ বিভিন্ন সামগ্ৰীৰ লগতে ৰূপৰ আঅলংকাৰৰ জব্দ কৰিবলৈ সক্ষম হৈছে নগাঁও আৰক্ষী৷