বিশ্বনাথ চাৰিআলিত সদৌ অসম সংখ্যালঘু ছাত্ৰ ইউনিয়ন চমুকৈ আমছুৰ বিশ্বনাথ জিলা সমিতিৰ উদ্যোগত সমূহীয়া ইফতাৰ অনুষ্ঠান

বিশ্বনাথঃ বিশ্বনাথ চাৰিআলিৰ মুছাফিৰখানাত শান্তি সম্প্ৰীতিৰ এক অনন্য নিদৰ্শন দাঙি ধৰিলে আমছুৱে। হিন্দু-মুছলমানক একত্ৰিত কৰি আমছুৱে অনুষ্ঠিত কৰিলে সমন্বয়ৰ ইফতাৰী অনুষ্ঠান। ইফতাৰী অনুষ্ঠান উপলক্ষে আমছুৰ কেন্দ্ৰীয় উপসভাপতি ছাইফুদ্দিন আহমেদৰ সভাপতিত্বত আবেলি এখনি মুকলি সভাও অনুষ্ঠিত কৰে।

ত্যাগ আৰু ৰহমতৰ মাহ এই পবিত্ৰ ৰমজান মাহ উপলক্ষে অনুষ্ঠিত হোৱা ইফতাৰী অনুষ্ঠানৰ অন্তত সংগঠনটোৰ কেন্দ্ৰীয় উপসভাপতি ছাইফুদ্দিন আহমেদে সাংবাদিকৰ আগত কয় যে, আমছুৱে অনাগত দিনত অসমৰ প্ৰতিটো জাতি-জনগোষ্ঠী ধৰ্মাৱলম্বী লোকসকলৰ সাতামপুৰুষীয়া ঐক্য শান্তি আৰু সম্প্ৰীতিৰ এনাজৰী অটুট ৰাখি নিষ্পেষিত সংখ্যালঘু জনগোষ্ঠীৰ অধিকাৰ আদায়ৰ বাবে আমছুৱে কাম কৰি যাব।