ঐতিহাসিক ঢেকীয়াখোৱা বৰনামঘৰত সাত ৰাজ্যৰ সাংস্কৃতিক দলৰ অংশগ্ৰহণেৰে সমন্বয়ৰ শোভাযাত্ৰাৰ প্ৰস্তুতি

টীয়কঃ মহাপুৰুষ মাধৱদেৱ প্ৰতিষ্ঠিত ঐতিহাসিক ঢেকীয়াখোৱা বৰনামঘৰত বৰনামঘৰ পৰিচালনা সমিতিৰ উদ্যোগত দুদিনীয়া কাৰ্যসূচীৰে অহা ১৬ আৰু ১৭ মে' ত মহাপুৰুষ মাধৱদেৱৰ ৫৩৩ সংখ্যক জন্মোৎসৱৰ আয়োজন কৰিছে৷

এই উপলক্ষে বৰগীত সাহিত্য, বক্তৃতা আদি বিভিন্ন প্ৰতিযোগিতাৰ আয়োজন কৰাৰ উপৰি ভাগৱতসহ সাতোখন ৰাজ্যৰ সাংস্কৃতিক দলৰ লগতে অসমৰ বাৰেৰহনীয়া কৃষ্টি সংস্কৃতিৰ প্ৰদৰ্শনৰে এক সমন্বয়ৰ শোভাযাত্ৰা উলিওৱা হ’ব।

মঙলবাৰে ঢেকীয়াখোৱা বৰনামঘৰ পৰিচালনা সমিতিৰ কাৰ্যালয়ত অনুষ্ঠিত এক সংবামেলত এই কথা ঘোষণা কৰে বৰনামঘৰ পৰিচালনা সমিতিৰ সভাপতি প্ৰবীণ কলিতাই। সংবামেলত বৰনামঘৰ পৰিচালনা সমিতিৰ অন্যান্য বিষয়ববীয়াসকল উপস্থিত থাকে।