লখিমপুৰত কাছৰ চোৰাং ব্যৱসায়

লখিমপুৰঃ লখিমপুৰ সদৰ আৰক্ষীয়ে দেওবাৰে গোপন সূত্ৰৰ পম খেদি নগৰ খনৰ সনাতন গাঁৱত অভিযান চলাই চাৰিটা জীয়া আৰু এটা কাটি ৰখা কাছ উদ্ধাৰ কৰে।

লগতে সনাতন গাঁৱৰ ৰুবু দাস নামৰ এজন লোকৰ উপৰি আন দুজনক আটক কৰে। আৰক্ষীয়ে জানিবলৈ দিয়া মতে লখিমপুৰ, বিশ্বনাথৰ বিভিন্ন বিল-জলাশয়সমূহৰ পৰা এইদৰে কাছ ধৰি আনি সৰবৰাহ কৰা হয় অসমৰ বিভিন্ন স্থানৰ লগতে বহিঃৰাজ্যলৈ।

ধৃত চোৰাং কাছ ব্যৱসায়ী তিনিওকে মাৰাথান জেৰা অব্যাহত ৰাখিছে লখিমপুৰ সদৰ আৰক্ষীয়ে।