গোলাঘাটতো নিৰ্ভীক সাংবাদিক পৰাগ কুমাৰ দাসৰ মৃত্যুতিথি পালন

গোলাঘাটঃ আজি অসমৰ এগৰাকী আপোচহীন সাংবাদিক তথা মানৱ অধিকাৰ আন্দোলনল হোতা প্ৰয়াত পৰাগ কুমাৰ দাসৰ ২৭ তম মৃত্যুতিথি। ৰাজ্যৰ অন্যান্য প্ৰান্তৰ লগতে গোলাঘাটতো প্ৰয়াত সাংবাদিকগৰাকীৰ মৃত্যুতিথি উদযাপন কৰাৰ লগতে সাংবাদিকগৰাকীৰ এক প্ৰতিমূৰ্তি উন্মোচন কৰা হয়।

গোলাঘাট মিডিয়া ফ'ৰামৰ উদ্যোগত গোলাঘাটৰ স্থানীয় বিধায়কৰ জৰিয়তে সাংসদ পুঁজিৰ দ্বাৰা লাভ কৰা টকাৰে নগৰখনৰ প্ৰমোদাভিৰাম দাস উদ্যানত নিৰ্মাণ কৰা শ্বহীদ সাংবাদিক পৰাগ কুমাৰ দাসৰ প্ৰতিমূৰ্তিটো আজি আনুষ্ঠানিকভাৱে উন্মোচন কৰে জিলা উপায়ুক্ত মৃগেশ নাৰায়ন বৰুৱাই।

ইয়াৰ পিছতেই অনুষ্ঠিত এক সভাত জিলাখন বিভিন্ন অনুষ্ঠান-প্ৰতিষ্ঠানৰ প্ৰতিনিধিয়ে অংশগ্ৰহণ কৰি প্ৰয়াত শ্বহীদ সাংবাদিক গৰাকীক স্মৰণ কৰে।